Мектепке дейінгі ұйымның «Yздік психолог кабинеті»

Ақмола облысы білім басқармасының оқу-әдістемелік кабинетінің жұмыс жоспарына сәйкес Ақмола облысының білім беру ұйымдары арасында «Үздік психолог кабинеті» облыстық конкурсы өтті.

Конкурс шеңберінде сараптама комиссиясы психолог кабинетінің паспорты мен портфолиосын қарады, кабинеттің негізгі функционалдық аймақтарын, жабдықтарды, жұмыс аймақтарын, техникалық құралдарды орналастыру ерекшеліктерін; кабинеттің жабдықтармен және материалдармен қамтамасыз етілуін, түзету-дамыту бағдарламалары мен әдістемелерінің болуын, психолог жұмысындағы шығармашылық тәсілді бағалады.

 Ақмола облысы білім басқармасының Есіл ауданы бойынша білім бөлімінің жанындағы Есіл қаласының №1 «Гүлдер» бөбекжай-бақшасы МКҚК психологы - Енсебаева Лазат Каирбековна «Мектепке дейінгі білім беру» санатында Есіл ауданының атынан қатысты.

«Үздік психолог кабинеті» облыстық сырттай конкурсының сараптамалық комиссиясы отырысының қорытындысы бойынша Лазат Каирбековна лайықты 3 орынға ие болды.

Құттықтаймыз және шығармашылық табыс пен жаңа жеңістер тілейміз!

 Мектепке дейінгі білім беру әдіскері М.В. Унгефуг